Posts in Vaibhav Agarwal

Ek Ajnabi

Vaibhav Agarwal

ek ajnabi aagaaz Mere likhe hue sher part-10

181.
Ek ajnabi aagaaz ho raha hai…
fir use pehchane anjaam se darr lag raha hai…
dil main kuch aur hai dimaag kuch aur keh raha hai…
chalo jo ho raha hai shayad achcha hi ho raha hai…
shayad mujhe fir pyar ho raha hai…ek ajnabi ki tarah ehsaas

182.
lehrate hain hawa main patte aise…
sarsarahat hai dil main yadon ki jaise…
intezaar hai dil main bhi patzad ka…
kabhi to yaden bhi jhad jayengi mere mann se waise…

patzhad ke baad fir basant ajata hai…
bhool bhool kar bhi teri yaden tazaa hai…
kitna bhi door jaun tere khayalon se…
fir hari bhari yadoon se tera khayal aajata hai…

183.
bheed main achanak akela ho jata hun main…
tere khayalon main achanak kho jata hun main…
haar chuka hun tujhe bhulanme ki koshish kar kar ke…
ab to har koshish main naakaam ho jata hun main…

184.
tujhse door rehkar sambhalna asaan ho jata hai…
tere pass jaakar sambhalna jaroorat ban jati hai…

185.
Jab mila to sab bin maange hi mil gaya…
jb choota to sab achanak se chin gaya..
kabhi to ek katre se bhi kush ho gaya…
kabhi poore samandar se bhi pyasa reh gaya…

186.
rasta to kat jata hai yun hi chalte chalte…
manjil bhi mil jaati hai yun hi chalte chalte…
tej chalun to humsafar bhi chhoot jaate peeche hain chalte chalte..
aaram karun to dost bhi age nikal jaate hain chalte chalte…

187.
jane neend in ankhon main kyun nahin hai…
kabhi khwabon main to tujhse mil liya karta tha…
tere saath nahin tere khayalon main ji liya karta tha…
ab to lagta hai ki khwabon ki bhi mujjhse dushmani hai…

188.
ek lambi kahani ka chhoota hua kirdaar jaisa hun…
khench lao to ek ateet jaisa hun…
ab to kisi ke khayalon main bhi nahin …
ek bhooli hui yaad jaisa hun…

189.
Pyar to hai par ikrar-e-mohabbat se darte hain…
ikrar bhi hai par Anjaam-e-Mobbat se darte hain…
Har Agaaz ka anjaam ho ye bhi to jaroori nahin…
bas tera saath na choot jaye is baat se darte hain…

190.
Teri bahon main anne ko dil chahta hain…
Teri panaho main samane ko dil chahta hain…
Teri ankhon mai kho jao main…
Tujhme samaane ko dil chahta hai…

191
Tu mujhe yaad aati hain…
Jaise sanse dil main atak jatti hain…
Jeena thoda asaan ho jata hai…
bus jo tera chehra nazar ata hai…

192
ek jhalak panne ko taras jate hain…
teri nazaro main anne ko taras jate hain…
pata nahi kiase kategi yeh zindagi meri…
ab to har saans main jeene ko taras jaate hain…
(Har hansi main khushi ko taras jaate hain…
har saans main jeene ko taras jaate hain…)

193
subah meri subah nahi hoti…
raat bhi ab utni sukun bhari nahi hoti…
mausam judai ka mushkil hai har lamha …
tere bina zindagi ,zindagi nahi hoti…

194.
Wo  mausam dard ka bhi  meetha hoga 
Har karwa sach khushi se kubul hoga 
Agar tu  sath agar tu  paaas hoga 

195

Abhi socha ki  koi shayeri  likhun
Fir socha koi ghazal likh dun
Tujhe pyar bhara dil-e-nazrana likhun
Phir socha ki tujhe ek aina bhej dun
  196
Tere pehlu main sone ko jee chahta hain 
Teri bahon main anne ko  ji  chahte hain 
Hawa bhi  na ho  darmiya hamare
Teri sanson se dhadakna hi  mera dil chahta hain 
197
Pyar hain tera jo sanse lene ka ek aur bahana mil gaya
Jo mila tujhse to khush rehna ka ek aur bahana mil gaya 

198
Bus ek nazar ki  baat  hain aur kuch nhi 
Bus ek awaz ki baat  hain aur kuch nahi 
Ji lenge zindagi  kaise bhi  kahin bhi 
Bus ek tere sath ki  baat hain aur kuch nahi 

199.
Main ji  raha hu  ek zindagi  hain teri…
Har pal har sans sab dhadkane hain teri…
Chura lu  ek pal tanhai ka bhi kabi…
Har lamha hain tanhayi ka khoya khayalon main teri…
 
200.
Rasta hain mushkil par manzil utni  bhi  duur nahi 
Jab hum hain sath to tujhe khone ka darr dur tak nahi

Ghazhab Hota

Vaibhav Agarwal

kuch behtreen sher o shayri jo dil ko chhu jaaye , jo pyar mei the ya hai unka dil bhi aaj pighal jaaye , ise tute hue dil ko jod jaaye , kuch rula bhi jaaye aesa hi kuch likhte hai Vaibhav agarwal jinki yeh series
Ghazhab hota “Mere likhe hue sher bhaag-9″ 

161.
Usnain kaha pyar main na rukta hai koi na jhukta hai koi…
hum nain kaha pyar to ek wo mandir hai koi..
rukta hai wahan gujarne wala har koi…
sir jhukata hai wahan ki pooja ho jaise chal rahi koi…

162.
pyar nahin kiya tha unse pooch kar …
ab wo nahin hain to ismain unki kya khata hai…
main bhi kar baitha beinteha pyar to ab bhool nahin pata ek pal bhi unhe…
aye malik bata ismain meri kya khata hai…

163.
ab na tootenge kisi paththar se thokar khakar…
ek baar to ankhon main patti si bandh gayi thi…
ab na lagaunga dil na naina kisii se…
ab rehjaunga bhale hi andha hokar…

164.
jab pehali baar dekha to dekhta reh gaya..
Bahot deedaar hua par thoda reh gaya…
wo chale gaye jane kahan aur main wahin khada reh gaya…
unhe har gali dhoondha par dhoondhta reh gaya…
pyar to bahot kiya hai par thoda reh gaya…

165.
Parindo ki udaan parinde hi jaane…
mere khwabon ki udaan meri dil hi jaane..
bas ek pal ka vichaar yun kehna tha…
kahin hawa main udne ke chakkar main pairon tale jameen na chali jaaye…

166.
Aajadi
aajaad khayalon ki, aajaadi khayalon ko jeene ki
ajad khwab dhekhne ki , ajaadi khwabon ko poora karne ki
Ajaad pyar ki, ajaadi pyar karne aur jatane  ki
ajad khushi ki, ajaadi khushi bantne ki
ajad sachchayi ki , aajaadi sach kehni ki
ajad rahon ki, ajaadi se un rahon par sir utha ke chalne ki
hum ajaad hain, is ajaadi par garv karne ki
hum kush hain, Khushi hai ek ajaad bhartiya hone ki

167.
Bada dard hota hai jab ujaalon ko dekhkar apne andhere yaad ate hain…
hadd to tab ho jati hai jab apne ujaalon ke din yaad ate hain…
badal to baras ke chale jaate hain…
Mere hi suraj par kali ghatayen reh jati hain…
aur bheege hue se hum sookhne ke intezaar main khade reh jaate hain…

168.
thoda sa muskuraye to khushi bantne aagaye..
tum ne ek bhi ansun bahaya to hum dukh bantne aagaye…
jab humain dukh banten ki jaroorat padi…
to tum kisi aur ki khushi main shareek ho gaye…


169.
hawayen samandar ki thandi si hain aur nam bhi…
halat mere dil si, ke lehren to yadon ki mere dil main bhi kam nahin…
kyun aksar tu mere khayalon main ata hai…
har mausam ekdum se barfeela ho jata hai..
har raah main guzre se mod yaad ate hain…
tere sang bitaye wo pal yaad ate hain…
palon ko bhulana bhi asan hai lekin…
dil main ek makaam banaya hai tune…
us kone ko mitane ki koshish main hum nakaam reh jaate hain…

170.
khud ko kahin chupa kar…nayi jindagi jeene ki chahat hai meri…
kal,kal tha mera chala gaya…ab aaj main jeene ki chahat hai meri…

171.
pyar wahi jo mil jaye to khuda hai…na mile to saza hai…
main to wo deewana hun jo khuda ki chahat main saza kaat raha hai…
khuda ka deedaar hota hai bas khwabon main hi…
bas iska hakikat main dhalne ka intezar hi meri saza hai…

koi to khuda se deedaar kara de mujhhe…
bas yahi intezaar hi shayad meri saza hai..

172.
Kisse kahun ki tu mera kya hai..
kise batlaun tu mera kya tha…
baat hai is deewanepan aur zunoon ki…
iske siwa tu mere pyar aur kya hai…

173.
tu to khada hai mana ek dorahe par…
phir bhi ek rasta to hai manjil ka…
kahi mud to jaoge kisi manzil ki umeed par…
jab se chooti hai teri gali…
meri to rahen hi kho gayi hai…
ulajh gayi hai jindgi ek gol chakkar par

174.
humne ki mohabbat to gunah ho gaya…
pyar wo kiya jo kahin fanna ho gaya…
tujhe apna banane ki chahat thi dil ki bas…
mera janebahar to nahin par dil main ek dard reh gaya…

aise koshishon main hamesha nakanayab reh gaya…

175.
ek pal ko lagta hai sab kuch hai yahan..
ek pal ko lagta hai kho gaya main jane kahan…
main to rehta hun isi gali isi sheher main…
mera dil jaane rehta hai kahan…

176.
Pehle bhi tujhe chahata tha…
ab bhi tujhe dilojaan chahata hun…
pehle tujhe paane ki koshish poore dil se karta tha…
ab tujhe dil se bhulane ki poori koshish karta hun…

177.
to Ghazhab hota…
tumne kaha main bahot achcha hun.. agar ye khud bhi maan lete to Ghazhab hota…
ek achayi sau buraiyon pe bhari hai… humari to ek burai mauf kar dete to Ghazhab hota…
Doosron se khushi baantna napasand kiya… us khushi ka karan jaante to Ghazhab hota…
ped ke patton sa khush gawar dekha… jadon main faila dard dekhte to Ghazhab hota…
upper se roothna saha tumne mera… dil main chupe pyar ki gehrayi ko dekhte to Ghazhab hota…
Kinare par khade nav ka intezaar hai… pyar ke saagar main doobte to Ghazhab hota…
Pyar Main nazraane kai maange tumne…pyar ko nazrana shamajhte to Ghazhab hota…
Pyar hai mera sachcha khuda ki kasam… yahi samajh jaate to Ghazhab hota…

178.
Jab saamne the to deedar ke sahare hi din nikal jata tha…
tere jaane par main us dil sa ban gaya hun…
jis dil ko dhadakna to ata hai…
par jo ek baar dhadakne ko bhi taras jata hai…

(Jo saamne hoti to deedar ke sahare hi din nikal jata…
tere samne na hone par main us dil sa ban gaya hun…
jis dil ko dhadakna to ata hai…
par jo ek baar dhadakne ko bhi taras jata hai…)

179.
Marna chahate the par maut na mili…
jeena chahate the magar tu hi na mili…
rona chahate the to hazaar aansun mil gaye…
hansna jo chaha to, tere khayaal agaye…
(hansna jo chaha to, tere saath ki khushi hi na mili…)

180.
lo chala carwan mere sapno ka…
manjil nahin sathi Raston Ka…
kuch paraye kuch apno ka…
milna bichadna fir sath yadon ka…

Vaibhav Agarwal

you may read this also Mere likhe hue sher

Chaho Agar

Vaibhav Agarwal

Mere likhe hue sher part-8 , chaho agar koi pyara sa insaan,chaho agar ek pyari si muskaan,chaho agar ek pyara sa dil,jis dil main ho tumhari pehchaan,to sahi chuna hai tune mujhe

141. kat rahi hai jindagi kaat raha hun…
kuch apne kuch paraye rishte apne kandhon par dho raha hun…
koi sochta hai kuch achcha bhi mera ..
to uski kya galti jo bura hi hota hai mera…
nikal lunga yun hi  hanste hue main jindagi ka safar…
jindagi ka pata nahin maut ko to bana lunga humsafar mera…

142. Mera dil todkar tune kuch bura toi nahin kiya…
ab har tukda ek seene main dhatakta hai…

143.mujhse na poocho unki nazron main jaake dekho ..
aj mere saath nahin par mujhe dhoondhti to hai…
haal mera nahin unka bhi dekho…
wo mere nahin hai.. par mera dil to unka hi hai…

144.Mat pooch mere dost meri maut ke nazaare hain hazaar…
Ek choti si maut se mera kya hoga…

145.Pyar
ek haseen lamha ya lamho ki kadi…
lamhon ki kadi ya janzeer…
mazboot janzeer ya kamzor kadiyan…
kamjor kadi ya dil ki lagi…
ye dil ki lagi ya dillagi…
dillagi hi  main dil kho gaya…
dil kho gaya ki mila naya thikana…
dil ka theekana mera ya uska bhi hai…
wo mera paraya hai aur main uska hi hai…

146.bas dhundhli si yaad hai baaki…
bas unka ek ehsaas hai baki…
Berukhi ka shikaar hua hun…
Bas shikaar ki maut hai baaki…

147.Is Tofano se bhari jindagi ke saagar main wo mera sathi tha…
wo mera majhi tha par humsafar nahin tha…
meri jindagi ki nav ko kinaare lagake use chor ke jaana hi tha…
wo chor gaya beech majhdaar main hi toofano main akela…
majhi main humsafar dhoondha to ye to hona hi tha…
chalo ab tairna bhi aagaya pehle to bas doobna hi ata tha…

148.humain bhi pata hai wo sahi nahin hai
unhe bhi pata hai ki hum galat nahin hain..
yuhi ek pal main chor diya unko…
dil tod diya mera ki sheesha nahin hain…

149.chalna to chahat hun par paon hi nahin hai…
udna main chahata hun par pankh hi nahin hai…
rona main chahata hun par ankhon main ansun hi nahin hai…
chal to lun bina paon ke bhi par koi sahara hi nahin hai…
ud to lun sapno main hi par ab koi sapna bhi nahin hai..
ro to lun kisi aur ke dukh par… na jaane kyun mere siwa koi ab dukhi bhi nahin hai…

150.Ye kaisa pyar hai ki jata nahin
Nafrat hai tumse ki pyar nahin…
Ladai bhi tumse baat bhi tumse
Bas ab teri yaad hai tera saath nahin…

151.Hogaya ab wahi jo hona nahin chahiye tha…
khogaya ab wohi jo khona nahin chahiye tha…
karna hai ab wahi jo karna nahin chahiye tha…
bas milta hi nahin jo mujhe chahiye tha…

152. tu bewafa hai ye to main nahin janta…
main galat tha ya tu galat ye bhi main nahin janta..
janta hun to bas itna ki tujhe bhoolna nahin janta…
meri jindagi tere bina ek pal bhi bitana nahin janta…

153.paas hi baithe hain par kitni dooriyan hai…
dekhte hain mujhko par nazren kahin aur hain…
pehle nazroon ka dayra bhi chota na tha…
ab to dil ke dayre main bhi koi aur hai…

154.hum to dhoondhte hain bahane mehkhane bhi jana tha…
kabhi khushi to kabhi gum bhi bahana tha…
kabhi main to kabhi koi aur bhi bahana tha…
bas peena tha mujhe tu to bas ek bahana tha…

155.Mujhe tu kya poochta hai pyar ke maane…
main to khud dhoondh raha hun mohabbat ke paimaane…
is saagar main na utarna tairne ke bahaane…
yahan to kood ke aana hai sirf doobjaane…

156.chaho agar koi pyara sa insaan,
chaho agar ek pyari si muskaan,
chaho agar ek pyara sa dil,
jis dil main ho tumhari pehchaan,
to sahi chuna hai tune mujhe,
Parchayi nazar ayegi usiki jo dekho meri ankhon main.

157.pyar karna bhi aasaan nahin tumse…
chor dena to mumkin hi nahin ek bar jo mil liya tumse…
lo Pyar to kar liya hai beshumar tumse…
par chorne ki choti si koshish bhi nahin ho pati humse…

158.Ek andaaj ye bhi hai humara….
kuch dard hai unka kuch saath hai humara…

159.
Maine kya khoya maine kya paya…
sochne biatha to bas itna paya…
ki sochta raha kya hai khona pana…
to kahin aisa na ho jaye…
wo bhi khodun jo badi mushkil se hai paya…

160.
Jo bhoolne layak tha…
wo to kisi layak hi nahin tha…
use bhooljana hi behtar hai…

vaibhav agarwal

Sab se Milta Hun

Vaibhav Agarwal

sab se milta hun , wohi karte hain jo unko hai pasand bhale hi galat kyun na ho…wohi soch lete hain jo unki soch hai bhale hi galat kyun na ho…

121. sab se milta hun…bahot hansta bhi hun…
par jab bhi tujhse milta hun…
aankh main ek ansun hota hai…jise tujhse hi chupata hun…
jise jindagi samajhta hun… usse hi jhooth bolta hun…
jaane in aansuon ko kiska intezaar hai… par uske saamne nahin ro sakta hun…
kabhi to samajh jao mere armano ko… waise to main bhi inhe samjhaata hun… bas yu hi main sab se milta hun

122. pyar to kar liya yun hi maine…
na socha na samjjha ek pal bhi maine…
ab samajh aya hai pyar sirf kiya tha maine…
kiya bhi to kisse kiya pyar maine…
bewafa hi hoti to samjhaleta khud ko…
yahan to wafa main bhi dhoka khaya hai maine…
par abhi bhi umeed nahin chori hai maine…
shayad galti hi koi ki hogi maine…

123. baton ka silsila to abhi shuru hi hua tha…
wo fir chale gaye baat adhoori chor kar…
abhi to mujhe apna haale dil bayan karna tha…
bas chor gaye tadapte hue mujhe apne haal par…

124. chalo ek aur raat gujri.. lo fir naya savera hai…
chalo ek aur ansun bahaya hai maine.. lo fir mera dil muskuraya hai…
chalo ek aur baar thukraya hai tune.. lo fir maine tujhe apnaya hai…
chalo ek baar fir mera saath diya tune.. lo fir ada kiya shukriya hai…

125.lo mujhe koi apna sa mil gaya…
mera har sapna sa khil gaya…
ab fir se jaagna nahin chahata…
maut main bhi jindagi ka ehsaas sa mil gaya…

126.intezaar unko bhi hai meri dhadkano se nikalte unke naam ko sunne ka…
betab wo bhi hai mere khayalon main unke ehsaas ko janne ka…
bas dikhate nahin hain kabhi apne chehre pe…
par intezaar unko bhi hamare paigamo main chupa unke like hamare pyar ko jaan ne ka…

127.sunkar teri meethi meethi baten, kano main mishri si ghul rahi hai…
pyar main teri saare jahan ki khusiyan bhi mil rahi hai..
bas yunhi jindagi bhar saath dene ka wada karo…
bas yahi soch kar mere dil ki har kali khil rahi hai…

128.chah kar bhi wo raat nahin bhool pata…
wo haathon main haath, tera saath nahin bhool pata…
saansen lena bhale hi bhool jaun…
par teri sanson ki khusboo nahin bhool pata…

129.bahot pyar dekar bhi dekha…
bahot saath dekar bhi dekha…
duniya se tere liye ladkar bhi dekha…
tere sath sabke liye bura bankar bhi dekha…
bas na dekha to teri ankhon ek pyar ka lamha nahin dekha…
teri ankhon main pyar ka ek sapna bhi dekha….
bas us sapne main kahin mera saya bhi nahin dekha…

130.chal chor diya tujhe bhi apne haal par..
chal choot gaya main bhi apne hi haal par…
ab is haal main bhi behaal sa hun…
par fir bhi hansta hun har haal par…

131.jaane kis hosh main tha main jo madhosh ho baitha…
jaane tu kis madhoshi main tha jo apne hosh kho baitha…
ab na chahata hun ki hosh main aun, na ane dun…
bas ab har pal rahun beshosh sa baitha…

132.har pal chaha hai tujhe, har pal chaunga main tujhe…
har pal na chahun, to koi bahana nahin hai…
har pal hi chahun tujhe, itni deewangi nahin hai…
khud bhi uljhan main hun…har pal chahun na chahun tujhe…

133. jo kat gaya wo majil ka rasta nahin tha…
jo mil gayi wo manjil ka thikana nahin tha…
nikle the jiski ki talash hum akele in rahon main…
wo to kya milna tha uska saya bhi nahin tha…

134. begano main itna kho gaya hun…ki apno ko bhool gaya hun…
begano ki nafrat kahakar bhi unke saath hun…apno ka to pyaar bhi bhool gaya hun…

135.karte hain ansuna par sunna bhi mazboori hai…
sunte hain jo na suna par sunna bhi jaroori hai…
ab chahata hun wo sunna jo reh gaya ansuna…
ab chahata hun kehna jo reh gaya ansuna…

136. wohi karte hain jo unko hai pasand bhale hi galat kyun na ho…
wohi soch lete hain jo unki soch hai bhale hi galat kyun na ho…
har koi galat samajhta tha to seh gaye tera naam lekar bhale hi galat kyun na ho…
aaj tune hi galat keh diya humko, bhale hi har karam tera hi kyun na ho…

137.tere ane par dukhi rehta hun…
tere jaane par khush rehata hun…
tere ane par bichadne ka dukh hota hai…
tujhse bichad kar ek bar fir milna hai ye soch kar khush rehta hun…

138.ek baar fir suna kuch bura..
wo ek baar fir bhool gaye hum…
fir ek baar jo suna bura to…
na fir bol paoge bura tum…

139.Kabhi ankhon dekha bhi sach nahin hota…
kabhi andekha bhi sachcha hota hai…
Jo ankhon se nahin ankhon main dikhe…
wahi pyar sachcha hota hai….

140.Vichaar – Pyar aur Pani
pyar aur pani ka ek hi haal hota hai…
na pani aakaar hai aur Pyar bhi nirakaar hota hai…
ek jeene ke liye jaroori hai to ek jindagi ke liye…
dono ka na rang hai na roop par.. ek jaroorat hai..
dono ki pyas hai… ek baar bhuj bhi jaye to kya fir agle din jaroori hai…
suddha ho to vardaan hai milavat ho to jeher bhi hai…
jis tarah dhalo dhal jate hain rakhne waale ka aakar lelete hain…

vaibhav agarwal mere likhe hue sher bhag-3 sabkuch lut gaya

Sabkuch lut gaya

Vaibhav Agarwal

sabkuch lut gaya sabkuch manga tha par kuch na mila…kuch na lutane ka socha tha par sabkuch lut gaya … baki mujhme kuch na raha sabkuch , likhe hue sher………..

101. tere har ashk par mujhe bhi rona aya…
jab tujhe gussa aya jane mujhe bhi kyun gussa aya…
har waqt teri khushi ka hi khayal aya…
in jajbaton ko tu kabhi samajh nahin paya…
tujhe bhi mujh par pyar aye…
bas yahi khwab har raat sone par aya…
ab tujhe bhulane ka waqt hai aya…
der se hi sahi par ye khayal bhi mujhe abhi aya…

102. tera haath thaam kar in ishq ki galiyon main kadam rakh liya hai…
beech rah main jaane kyun tune apna daaman chura liya hai…
hum to abhi bhi inhi galiyon main bhatak rahe hai…
shayad tujhe apni manjil ka thikana mil gaya hai…

103. har lamha teri yadon main guzaara hai…
har intezaar teri yadon se sajaya hai…
har yaad par tujhko hi pukara hai…
har pukaar ke baad fir intezaar hi sahara hai…

104.dhadhakte armano se dil to mera hi jalta hai…
har armaan par ek ansun to mera hi chalakta hai…
duniya ke liye to atishbazi ka sa tamasha hai…
ghar to yaron phir bhi mera hi jalta hai…

105.neend ye kambhakt kyun ati nahin…
jaan ye kambhakt kyun jati nahin…
roro ke dil mera kyun bharta nahin…
hansne ki baari bhi kambhakt ati nahin…

106.chooti jo unki gali…
veerano main bhatak raha hun..
choota jo unka saath to…
tanhaiyon main jee raha hun…
choota jo uska nazaara…
jindagi ki door dheeli kar raha hun…
talash to jari hai…
choota hua dhoondh raha hun…

107.jindagi khatam nahin hoti ek patthar se thokar khakar…
fir khade ho gaye hain rahon main tera saath paakar…

108. suraj to roj nikalta hai bas mera hi savera nahin hota…
main hamesha se tera hi tha tu hi ek pal ke liye mera nahin hota…

109. rooth ke wo mujhse baitha hai… shayad meri hi khata hai…
ab berukhi hi sehna hai mujhe… shayad yahi meri saja hai…

110.ab dil tut bhi jaye to kya, ab mera nahin hai…
wo chhoot bhi jaye to kya, ab mera nahin hai…
har lamha wo mera tha… tha, ab mera nahin hai…

waise bhi kya fark pad jayega, jab mera hi nahin hai…

111. jaane kya hua sab mere dukh main dukhi se nazar ate hain…
ab to hawa mai udte patte bhi chatpatate nazar ate hain…

112. rah ke patthar ko thokar na maar…
shayad ye unka dil bhi ho sakta hai…
un pattharon ko yun hata na rahon se…
ki banana hai ghar inhi pattharon se isi rah par…

113. humain to dhokon ki adat si ho gayi hai…
kabhi jindagi to kabhi maut bhi dhoka de jati hai…
jao ab na jindagi ki jaroorat hai na marna chahata hun…
bas ab ye kashmakash na ho ye khwaish hai dil main…

114. chal mere dil apne arman kahi dafn kar chal…
jab bhi nikla hai ek arman kisi nain kuchla hai har pal…
bas bahot hua ab na rona hai aur ek pal…
tu hi tera sahara hai tu hi khud sambhal…

115. Sabkuch manga tha par kuch na mila…
kuch na lutane ka socha tha par sabkuch lut gaya …
baki mujhme kuch na raha sabkuch to mera usnain chura liya…
ab to bas kuch gum hain kuch yaden hain jise apna sabkuch bana liya…

116. unki yadon ke aane ka kya kahe kuch hisaab hi nahi…
kabhi puchega to kya jawaab dunga…khud mere paas hi jawaab nahin…
kya jindagi main sason aur dil main dhdkan ko ginne ka bhi tareeka hai kahin…

117. kaun kehta hai main tanha nahin rehna chahata…
main to teri yadon mai…
tere khayalon mai…
tere dil ki gehrayion mai…
tere din mai…
teri raaton mai…
tere khwabon mai…
tere baton mai…
teri nazaron mai..
teri pasand mai…
teri khwaishon mai…
teri ankhon ke samandar mai…
teri bahon mai…
tu jise chahe un naamo mai…
kuch khon ke darr mai…
teri khushiyon mai…
teri kamyabiyon mai…
tere junoon mai…
teri pagal pan mai…
teri masti mai…
tere dukh bantane walon mai…
tere nakhre uthane walon mai…
tere sang jindagi bitane walon mai…
tere saath jeene mai…
tere saath marne mai…
tujhse judi har cheeze mai har waqt, har lamha, har pal main tanha rehna chahta hun mai…

118. yun dhalte din ko dekh kar.. yun dhalte suraj ko dekh kar…
mera bhi dil bhuja bhuja sa hai…
par fir dil main ek ummeed bhi hai…
naye chadte din ur ugte suraj ko dekh kar…

119. Gum ke sahare ki talash thi tujhse takra gaya…
Mohabbat ki talash thi tujhse takra gaya…
Khud se bhagta raha jindagi bhar yu hi…
jab apno ki talash main nikla to tujhse takra gaya…
jab Jindagi ki talash main nikla to tujhse takra gaya…

(bahot tadpa hun dardon ke ghere main…
Gum ke sahare ki talash nikla to tujhse takra gaya…

rote rote ankhon ke ansun bhi peegaya main…
Jab khushi ki talash main nikla to tujhse takra gaya…

nafraton ki barish main bheegta raha main…
Mohabbat ki talash nikla to tujhse takra gaya…

Khud ke saye se bhi bhagta raha main…
jab apno ki talash main nikla to tujhse takra gaya…

kya jeena mera, bas jinda tha main…
jab Jindagi ki talash main nikla to tujhse takra gaya…)


120.
dil kehta hai unka pegam jaroor ayega…
par unhe apne pegam padhne se fursat hi kahan…
intezaar hai unke ek khat ka par…
shayad ye khat likhne ka waqt bhi unke pass kahan…
shayad ye khat bhi mere naseeb main kahan…

Vaibhav Agarwal Mere likhe hue sher part 6

Hamari Halat Kya

Vaibhav Agarwal

Mere likhe hue sher bhag-5

81. hamari halat kya koi unko jake ye bataye…
ki hamari halat kya hai…
wo to hamain thukra ke age badh gaye…
magar hum band ghadi ki suiyon ki tarah wahin reh gaye…hamari halat kya

samay to apni raftaar se age nikal chuka hai…
par mera waqt us akhri mulakaat par tham sa gaya hai…

82. yun waqt ke saath chalne ki chahat main…
har apne ko peeche chor chala hun…
ek khud ka to bharosa tha…
ab har pal khud ko bhi dhoka deta hun…
jaane kiski chahat hai mujhe..
jo mere dil ki aawaaj ko bhi ansuna karta hun…

83.aaj fir kisi apne ki ankhon main ansun dekha hai…
par jaane kyun mera mann bhi udas hua hai…
mera dil uska dukh bantna to chahata hai..
par use ye kehte hue bhi darta hai….

84. Aaj main khush hun…
ki mera janaza jo nikal raha hai… 
jindagi main koi saath na tha…
maut ke baad julus sa nazara hai…
mere saath to koi na roya…
par ab koi mere liye ansun baha raha hai…
aaj main khush hun…ki mera janaza jo nikal raha hai…

85. ye logon ki bheed ye sawaalon ke tufaan…
thak gaya hun main inke jawaab dede kar…
ab to thodi shanti mil jaye jindagi main kahin…
thak gaya hun dil ka sukoon dhundh dhundh kar…

86. ye wo aakhri raat hai jab main roya hun…
shayad akhri raat jab main khoya hun…
bas yahi samajh liya hai ab maine…
ab yahi soch kar har raat sota hun…

87. Tujhme itna kho gaya hun ki khud se jyada tujhe samajhne laga hun…
ab tu kuch kahe na kahe teri khamosh jabaan bhi samajhne laga hun…
tu bol ke apni dastan-e-dil bayan kare na kare…
ab to teri dhadkano ko sun kar tere khayal samajhne laga hun…

88.har arju khatam, har khwaish ko mil gaya anjaam…
tu jo khush hua hai, nahin meri duaaon ko bhi kuch kaam…

89. jindagi nahin chalti ek din bhi tujhse door hokar…
jaane kaise rahunga tujhse alvida kehkar…
naajaane tu samajh payega ki nahin…
koi mil gaya tha apna sa tujhse milkar…

90. suna hai apni taqdeer apne haathon se baadalti hai..
yahan to jis gali se nikalte hain, wahan se to maut bhi apna rasta badalti hai…

91 wo karte hain waar anjaam-e-manzil ke aane par..
ke mud kar bhi nahin ja sakte…
sahi chodda hai jeevan ki majhdhaar par..

92.tu mera na ho saka iska gum nahin…
tune mujhe thukra diya iska bhi gum nahin…
gum to bas is baat ka hai ki…
tujhe meri mohabbat ki inteha ka andaja hi nahin…
kher ismain teri bhi koi khata nahin…
is pyar ki hadd ka to ab tak mujhe bhi pata nahin…

93. Na jaane kyun tere jaane ka gum hai..
na jaane kyun fir na milne ka darr hai…
tu na bhoolne ka waada to kar gaya..
par tera ye waada bhul jaane ka darr hai…

94. Haar tabhi maan jab haarne ko kuch baaki na bache…
jeet tabhi hai jab jeetne ko kuch baaki na bache…
patthar hote hain sabki rahon main…
har patthar ko chunkar bharle apne daaman main..
jab tak rahon main ek bhi patthar baaki na bache…
hum tere saath hain har haal main har raah main…
chahe tera koi aur saathi baki na bache…
एक कदम तुम चलो हमारी  तरफ, एक कदम हम चले तुम्हारी तरफ
यूँ ही चलते रहे जब तक कोई फैसला बाकि न रहे

95. Har koi hans leta hai haal sunkar mera…
fir dil kuchal deta hai,jab wah kehta hai sher sunkar mera…
use to meri shayari main dar-e-dil sunai padta hai…
har gum ko sehta to bechara dil mera….

96. Aaj fir tera haal poochne hi himmat ki hai…
fir se us dosti ko jodne ki koshish ki hai…
bas ye dostana fir purane jaisa ho jaye …
aaj fir is aitbaar main ye umeed ki hai…

97. Rooh-e-jindagi meri yun ghayal si ho gayi hai…
jane kis dukh main dukhi hokar gafil hi ho chuki hai…
ab aur na saha jata hai na jiya jata hai ek pal bhi..
jindagi meri khushgawar si nahin ek bojh main badal gayi hai….

98. jaane wo kis sapne se darr lagta hai..
ki ab ratoon ko sona bhi  nahin chahata hun…
jo sapna jagti ankhon se dekha tha…
ab use toot te hue nahin dekhna chahata hun…
jo mujhse ek dill ka rishta banaya hai tune..
koi naam dekhar use badnaam nahin karna chahata hun…
har baat tujhse shuru ho jindagi ki…
aur tujhpar hi khatam bhi karna chahata hun…

99. Seedhe chalte raston par bhatak jata hun…
sirf tere khayal se kahin kho jata hun…

tu ek nigah bhar ke dekh le kabhi yun hi…
bas teri taraf is khayal se dekhta jata hun…

kahin is baar tu aaya hoga shayad..
yahi soch kar darwaje par nigahen lagaye baith jata hun…

har aahat pe lagta hai tu aaya hai shayad…
halki si aawaaj se adhi raat ko bhi jaag jaata hun…

shayad tu sapno main hi aajaye…
yahi sochkar fir sone ki  koshish main lag jaata hun…

100. nigahen baar baar unhe dhundhti hain jo kabhi humse milte hi nahin…
wo rehte hain pass pass hamesha par kabhi apne se hue hi nahin…

Vaibhav Agarwal sab se milta hun

Nazar

Vaibhav Agarwal

61. dekha jo tujhko khil khila ke hanste hue..
dil ka har soya khwab jaag utha hai…
is pyari si hansi ke suron ko sunkar yun…
mere dil ke jal tarang ka har taar baz utha hai…
jo bikhere hai khushiyon ke geet tu fijaon main…
feeka sargam ka har ek sur  hua lagta hai…

62. use janna chahta hoon jo hummain nahin janta…
use pyar karta hoon jo pyar karna hi nahin janta…
ab ismain meri kya khata jo ek bewafa se dil laga baitha…
kaash usnain wo dekha hota jo pyar reh gaya andekha…

63. hum aye hain unke ghar is umeed main ki wo ankhe bichaye baithe honge..
itna sochte hue jo unke darwaze par dastak di….
darwaja khulte hi unhone poocha… aap kaun hain???
hum hi laut aye ye soch kar ki hum hi  galat ghar main agaye honge…

64. barish ki choti choti boondon main tera hi massoon chehra nazar ata hai…
fir is barsaat main ankhe khole khada hoon shayad ek boond in ankho main sama jaye…
par sochta hoon mere gum-e-ansuon ke sang wo boond na beh jaye…
wo ankhon main basa chehra hi bas teri akhri yaad hai…
yahi sochkar bas ab hansta rehata hoon… kahin ek ansun na beh jaye…

65.hum diya jalaye baithe the ki wo ayenge hum se milne
diya bhi jal raha hai wo milne bhi aye hain…
bas ab humare ghar nahin  humari mazar par aye hain…

66.khud to mar chuke hain doosron ke liye jeete hain…
ab khud ke gum or dard se nasha nahin hota hai…
khud ke liye nahin ab doosron ka gum galak karne ke liye peete hain…

67. wo door ek ummid ka dia jal raha hai…
wo ek halki si roshni se mere dil ka andhera chant raha hai…
lo himmat karke diye tak haath to badha dia hai…
par jaane kiski nazar lagayi hai in khushiyon ko…
ki us ummed ke deye se bhi haath jal raha hai…

fir bhi thame hue hun is diye ko jalte hue haathon main..
shayad yahi likha hoga meri haathon ki lakeeron main…
yahi soch kar in lakeeron ko mitane ke liye haath bhi jala raha hoon..
fir nayi lakeeren banegi  fir is ummed main jal raha hoon main…

68. us roshni main badhti hui tanhaiyon se bhag kar…
is andhere ke kaale sayon se dosti  ki hai…
par us roshni ki tanhaiyon main bhi apnapan tha…
in andheron main to meri parchayi ne bhi saath chor diya hai…

69.jise humne chaha wo mujhe na mil saka…
koi humain chahata aise mai na ban saka…
ab ismain meri kya khata main un jaisa na ho saka…
kisi ke dil main pyar to kya nafrat bhi na jaga saka….

70. tujhse itna pyar karte hain ki..
is ehsaas ki inteha hum nahin jante…
bas maut se bhi lad jayenge par tujhe na jane denge…
maut na mani to uske sath hum bhi holenge…
is duniya se us jahan tak har kadam tere saath chalenge…

71. jo bhul jayen wo yaden nahin…
jo yaad na aye wo pyar bhari baten nahin…
tere mere dil ka haal ek jaisa hai…
bas tune keh diya aur main to keh bhi pata nahin…

72.shayri ki ye adat to sharab ki adat se bhi hai buri…
sharab pi kar to sab bhool jata hun…shayri main to yaden sanjota hun…
sharab peekar badbadat hun to diljala samajhte hain…
shayri sunkar to wah wah kiya karte hain…

73.jaane chor aye the unko kiske sahare…
wo khafa to hai ki kyun chor aye the beech rah main…
wo na samjhe ek bhi majboori meri…
ye bhi na socha ki hum jeete hain kiske sahare…

ye bhatakti kashti si jindagi ka sawaar main jaane kiske hun sahare…
ye dukh ka maha sagar aur nahin ek bhi sukh ke kinare…
kehne ko bahot hai yahan sahanubhuti ka khara paani…
par pyas to tabhi bhujegi jab mile kisi ke pyar sa meetha pani…

par pyas nahin bhujti; jabtak na ho; pyar ke meethe neere…

(Jane wo chor gaye hume kis ke sahare…
Chora bhi to tab jab door the kinare…
Ye bhi na socha ke is dukho bhare jeewan k sagar me hum lehro se lad rahe the kiske sahare…
Is toti purani kasthi se jeewan ka sawar main jaane lade jaraha hoo kis ke sahare…
Ye dukho ke sagar ke shayad nahi hai kinare…
Kehne ko bohot hai yahan Suhanubhuti ka khara paani…
par na jane kab paunchagi sahil pe meri kahani…
Dar ta hoo sahil ke intzaar me he khatam na ho jai meri zindagani…)

74. dekho wo mujhse rooth kar kaisi sajaayen deta hai…
kabhi lagta hai shayad bhool gaya hoga mujhe…
par wo zalim to itna sukoon bhi nahin deta hai…
wo door betha hua bhi khamosh sadaayen deta hai…

75. ye tumhari ankhen pyari pyari…
in ankhon main sundar kwabon ka ek samandar…
is samandar main meethi boonden yadon ki…
kahin mera dil pyar ke jazeeron main doob na jaye…
kahin mujhe tujhse pyar na ho jaye…

kahin ye jaan kar tu mujhse rooth na jaye..
kahin mera dost kahin chhoot na jaye…

76.jab unke dar-o-sheher se nikla tha…
wo mujhe alvida kehne door tak aya tha…
jaane kyun main ye dekh kar khush tha…
ki uski ankhon main ek chota sa ansun tha..

77.maine use chaha jo mujhe chah na saka…
usnain jise chaha wo use chah na saka
ab ye meri ya uska naseeb kehlo…
na hi main khush raha na hi wo khush reh saka…

78.dil le liya hai tune seene se nikal kar…
us khali jagah ko bhar diya hai tune judai ka gum daal kar…
ab jiyenge kaise yun tere bin jindagi bhar…
ki reh nahin pate ek pal bhi tujhse door hokar…


79. Is bheed main kuch to mai bhi shamil ho jaun…
kuch to duniya ke jaisa bhi ban hi jaun…
abhi kuch to khud ko janta hun pehchanta hun…
us bheeh bhad main kahin khud ko na bhool jaun…

80. aaj kisi ko dekha tha bhatakte hue raston par…
kuch jana pehchana sa koi apna sa laga…
kuch dhundh ka sama tha…
fir bhi use dhundhne nikla…
is umeed main ki ab mera bhi koi sathi hoga…
par jo kohre ka ghana badal chanta…
saamne aina tha or usmain mera aks tha..
fir main aur mera saya un raston par bhatakne lage…

wo door ek saya sa nazar ata hai…
is dhundh main kuch dhundhla sa nazar ata hai…
chalo koi to apna sa nazar ata hai…
pass jakar dekha to ek aina sa nazar ata hai…
us aine main mera hi aks nazar ata hai…

Meri Khushiyo

Vaibhav Agarwal

Mere likhe hue sher (bhag-3) meri khushiyo ne bahot kiya, pta nahi kaise likhne lga hoon, jab maut ne gale laga liya to jindagi ki kise fiqr hai…jab gummo main bhi hansna seekh liya to khushi ki

1. meri khushiyon ne bahot kiya mere gamo ke janaze ka intezaar…
aaj to mera hi janaza hai doston…
shayad ye intezaar khatam ho jaye jindagi ke us paar…

2. har burai ko chorne ki koshish karta hoon ..
main bura insaan nahin hoon… bas burai chor nahin sakta hoon…
har khushi ne mujhe chor diya hai… ab gumo ko chor nahin sakta hoon…
khushiyon ne to dhoka diya… dard ko khafa chor nahin sakta hoon…

3. bas aaj ye ehsaas hai kaun mera kaun paraya hai…
jo dekh le nigah bharke wo apna lagta hai…
jo ankhe churaye  wo begana…
kabhi nahin mushkil thi log pehchanne main…
ab to dhoka khata hoon rojana…

4. salon se sukhe banzar is dil ko bas ek khushiyon ki barish ka intezaar hai…
han dil nam to hua hai or hara bhara bhi…
bas nami gummo ke samandar ki hawaon se hai…
jo mere dil ke nasooron ko hara bhara rakhti hai…

5. Main aine ke rubaru…
ye aks mujhse hairaan hai kyun…

6. tujhse bichadne ka dukh nahin.. tere milne ke intezaar de darr lagta hai…
ki us ummeed ki lau se mere dil ke har dard ka diya jalta hai…

7.har dard se ubarna chahata hoon…
in tanhayion se nikalna chahata hoon…
shayad tere pyar main hui nakamayabi ka asar hai…
ab kabhi pyar ke us masoom chehre ko padhna nahin chahata hoon…

8.maza to bahot aata hai dastane mohabbat sunane main…
par yun achcha nahin lagta kisika berukhi ke sath sunna…
thak k ek thikana bach jata hai dard e dil sunane ko…
bura hai jaiasa bhi hai par ye kabakht saki hi sunta hai maikhane main…

9.DOST + I = DOSTI…
‘I’ will alwaz b there for ‘DOST’…
b my ‘DOST’ forever to complete ‘DOSTI’…

10.DUSHMAN+ I=DUSHMANI…
‘I’ will alwaz b there for ‘DUSHMAN’…
b my ‘DUSHMAN’ forever to complete ‘DUSHMANI’…

11. raat bahot ho chuki hai…
par ankhon main need nahin hai…
bahar sukha hai par akhon main nami hai…
Registaan sa banzarapan ab is dil main baki hai..

12 shabdon ke jaal bunna hi shayar ki shayari nahin…
wo shayar hi kya jo apne gummo ke jaal main uljha nahin…
wo shayar hi kya jo apni shayari jiya hai nahin..
wo shayri hi kya jo sachchi kahani hi nahin…
wo shayar hi kya jo apni jindagi ke ehsason ke jaal main uljha nahin…

13. jab maut ne gale laga liya to jindagi ki kise fiqr hai…
jab gummo main bhi hansna seekh liya to khushi ki kise fiqr hai…

14. sab log apna samajhte hain par abhi bhi apno ki kami si hai…
tu dil ke paas hai par fir bhi teri kami si hai…

wo kehte hain main bhoola nahin hoon fir bhi mujhe hitchkiyon ki kami si hai…
aur to kuch jyada nahin bas tere jane ke baad dil main dhadkano ki kami si hai…

sab kuch samajhta hoon mujhe samajhne walon ki kami si hai…
har kisi ko samjhata hoon mujhe samajhane walon ki kami si hai…

ya to wo mujhe bhool gaya hai…
ya meri pukaron main kami si hai…

bahot khuch kehna hai par shabdon ki kami si hai…
bahot kuch sunna hai par aawajon ki kami si hai…

dost to bahot mile par nibhane wallon ki kami si hai…
pyar to bahot kiya par humse pyar karne walon ki kami si hai…

ji raha hoon par jindagi ki kami si hai…
hans raha hoon par khushiyon ki kami si hai…

jindagi bahot jeeli hai ab to maut ki kami si hai…

(Yun to bahut kuch hai mere pass phir bhi kuch kami si hai
Ghira hun charon taraf muskurate chehron se
phir bhi zindagi me ujale bharne wali us muskrahat ki kami si hai
Dikh rahi hai pahchan apni or udte har nazar me
phir bhi dil ko chu lene wali us nigaah ki kami si ha
gunjata hai har din naye kisson , kohlahal aur dhahakon se
phir bhi kaanon me gungunaati us khamoshi ki kami si hai
bad rahe hai kadam mere pane ko nayi manjeel
phir bhi in haathon me chut chuke un naram haathon ki kami se hai…………….)

15.uski yadon main yun gumm sa ho gaya hoon…
usse dhoondhne nikla par kahin main hi kho gaya hoon…
jo kabhi mil jao kahin raaste main tum humse…
ye na kehna bhool ke bhi kabhi tumhe bhool gaya hoon…

16. hum tere shahar main aye the musafir ki tarah…( this line by Ghulaam ali)
kya kiya tune is dil-e-nadaan ke saath…
ki chala ja raha hoon tere sheher se kaafiroon ki tarah…

17. jate hue main un rasto ke purane darakhton par…
jo ek nigah bharkar sochta hoon…
to khayal ata hai ki unpe pade samay ki dhaaraon ke nishaan…
shayad  yaad dilate hain mujhe…
aine main nazar ate mere aks ki…

18. wo lete hain wahin abhi bhi chadar odhe hue…
jane kyun , wo nahin hai ab, hum ye bhi bhool gaye…
bas itna saa kehna hai…

wo soye itna ki uthna hi bhool gaye…
hum jaage itna ki sona hi bhool gaye…
saath jeene ka wada tha par saath marne ki kasam wo bhool gaye…

jane kahan chale gaye ki humare ghar ka rasta wo bhol gaye…

19. jab nikalta hoon main kisi raste par..
har raston pe mod mil jate hain..
jo mudta hoon har mod par…
to har mod ke baad  dorahe nazar ate hain…
chunta to hoon unmain se ek rasta par…
fir milte to wahi mod aur dorahe hain…

20. kyun jalaye rakkha hai gam e dil ka diya yun
ki ansuon ko behne ka mauka mil gaya hai..
in ansuon se jalta hai ye gum e dil…
jo band kardo ek baar yun ansun bahana…
nahi padega kabhi fir dard e dil sehna…

vaibhav agarwal  mere likhe hue sher bhaag 3

Pata Nahi Mujhe

English Vaibhav Agarwal

pata nahi mujhe kyun galat samajhne laga hai tujhse dosti karne ki saza hai ….Mere likhe hue sher (bhag-2)

21. har dost ab mujhpar shaq karne laga hai..
pata nahi mujhe kyun galat samajhne laga hai…
tujhse dosti karne ki saza hai…
par is saza main bhi ata ek alag hi maza hai… pata nahi mujhe

22. KYUN…
ye shabd mujhe har waqt satata hai kyun…
har baat ke ant main bach jata hai kyun…
iska jawab nahin dhoondh pata main kyun..
khud-b-khud jawaab nahin mil jata hai kyun…
jiska jawaab nahin uska sawaal hai kyun…
kisi sawaal ka jawaab bhi hai kyun…
khud sawaal ban gaya hoon main kyun…
ye har sitam mujhe hi ata hai kyun…
sabse bada dukh mera hi lagta hai kyun..
doosron ko bhi dard hai kyun…
dard bhi jaroori hai kyun…
dard ke baad hi dawa hai kyun…
har dard mere liye hi hai kyun…
har dard ko chupata hoon main kyun…
har gum main hansta hoon main kyun…
jane kis kis se darta hoon main kyun..
ye darr sa hai kyun…
ye andhera hai hai kyun…
koi roshni nazar ati nahin hai kyun…
is roshni ka intezaar hai kyun…
intezaar ke khatam hone ka intezaar hai kyun…
jo mil nahin sakta uski ichcha hai kyun…
jo mil jata hai uski, nahin hai kadr kyun..
tere liye kuch chaoon main kyun..
apna banana chahoon main kyun…
tujhe har baar, har raaj bata na chahoon main kyun…
tu meri nahin hai kyun..
mujhe chahti nahin hai kyun…
nahin theherta hai waqt kabhi mere liye kyun..
nahin kar pata har kaam waqt par main kyun…
tune mujhe thukraya hai kyun …
tujhe samajh nahin paya main kyun…
koi mere liye bhi hai is duniya main, ye sooch ta hoon kyun…
jeene ki tammna nahin hai kyun…
marna main chahata hoon kyun…
jeene ki mazboori hai kyun…
jeena main chahat hoon sukh se kyun…
dard main jeena mushkil hai kyun….

23. jo milta hai tera hi pata pooch ta hai..
ab apna pata bhi yaad nahin.. jane wo kya pooch ta hai…
par fir bhi tera pata bata deta hoon …
jaane  wo yaad kaise rehta hai…

24. tere jane ke baad teri yadoon ke galiyare main gumm sa ho gaya hoon…
jane kyun jindagi ki seedhi sadak par bhool bhulayya sa bhatak gaya hoon…
registaan si jindagi main pani ka miraaz sa hota hai… har jagah ruk kar tere pyar ki boond dhoondhta hoon…
mujhe to har rah main tere hone ka miraz hota hai… har waqt tere jaisa pyar karne waala dhoondhta hoon…

25. shama main aag to hoti hai par… parwane ke milne ke baad… parwane ki wo aakhri raat hoti hai
jane kis gum main shama jalti hai ke us aag main parwana bhi jal uthta hai..

26. muskurahat bane aisi kismat nahin.. ashk bankar bahe aisi hesiyat nahin…
tum jaisa dost mil gaya .. ab aur koi chahat bhi nahin…

27. teri pyar ke kabil hoon ye to pata nahin…par teri nafrat ka haqdaar to main nahin…
tu mera pyar kabul kare ya na kare par… main tujhse pyar karna chor dun… kabhi nahin…

28. mat rok mere dost mujhe rone se…
ke meri yadoon ke jungle ka har patta mere aansuon ki nadi ke kinare jinda hai…
mat soch meri aankhon ke baare main ki…
inke band hone par hi unka deedar hota hai…

29. bahot din hue roya nahin hoon…
kuch dino se kuch khoya nahin…
ye bhi tera hi suroor lagta hai…
ki jaam to hai par kai dino se piya hi nahin hoon…

30. sawan sa tera pyar…
garmiyon si teri takraar…
patjhad si teri judai…
basant si teri saadgi…
sardiyoun sa tera saath…
hai aisa kaunsa mausan…
jo na dilaye teri yaad…
hain sabhi mausam teri hi yaden…

31. kabhi soochta hoon shayad…
jab akela tha tab khush tha shayad…
par tere ane ke baad… wo sabse achcha waqt tha shayad…
ab tu nahin hai…par jee lunga shayad…

32. har dard  se sambhal jata hoon jab tu ati hai..
har gum se ubar jata hoon jab tu nazar ati hai…
par tere jane ke baad…
issi gum or dard se bhari tanhaiyan reh jati hai…
jo fir se tere ane ke intezaar main lag jati hain…

33. tere jehen main ate hue khayal main jiska saya hai…
us saye main bhi mera aks dhoondhta hoon…
jane kyun itni si ummeeden hai…
ki us kali parchayi main hi apne pyar ke rang dhoondhta hoon…

34. is bhagti daudti bheed mai main bhi duadta hoon…
fir kahin bhi ruk kar… kabhi kabhi sochta hoon…
kya ye sadak meri manjil ki aur jati hai…
har kisi ki manjil par ruk kar apni manjil ka pata poochta hoon…
har kisi ki manjil dekha kar.. apne ashiyane ko ek naya roop deta hoon…
fir kisi mod pe jake fir kuch naya sochta hoon…

35. har saans main teri khushbu ho… har dhakan main teri aawaaj…
har soch main tera khayal hai… har ant teri judai… har milan tera aagaaj…

36. khudi ki julfon ke saaye se usnaim humko yun dekha…
ki dil ki har hasrat poori ho gai…
bas ek hasrat unka chehra dekhne ki….
in aankhon ki manzil ban kar reh gayi…

37. bahot kosa duniya ne… par ek apno ka sahara tha…
ab kisko sahara samjun… jab apno ne hi nakara samjha…

38. har kisi ko pyar miljata to pyar hi kadr nahin hoti…
jinhe pyar ki kadr hai unki tanhaiyan bhi tanha nahi  hoti…
ke milne ka maza bhi tab hi hai jab beech main ek lambi judai hogi…

39. bada nakara tha tere milne se pehle…
tujhse mila to to ek kaam milgaya…
kaise sukriya karon tera…
ki tune mujhme ek shayar jaga diya…
tere jaane ke baad bhi khali nahin hoon…
tune jate jate mai khane ka rasta dikha diya…

40. kal tak besabri se us ek pal ka intezaar tha…
jis pal,  kuch akhri lamhon main tere saath rahunga…
par aaj ye darr hai ki wo lamha ek din aur kareeb hoga…
itni choti mulakat ke baad unse mulakaton ka ant hoga…
abhi intezar ke sahare to jee raha hoon…
un lamho ke guzar jaane par ye aasra bhi nahin hoga…

vaibhav agarwal

Dil main armaan

Vaibhav Agarwal

dil main armaan bahot hain bas jaatne ka mauka nahi mera dil ye nadan hai is par mera jor bhi nahi chalta kya karu or kya nahi is baat ko samjhne ki koshish karne karta hoon teri yaado se niklne ka mauka hi nhai milta. dil ke armaan dil mein hi reh jaate kahi dabe dabe or kabhi ubhar bahar aate hai mere dil ke armaan

  1. Dil main armaan bahot hain… jatane ka mauka hi nahin milta…
    parwana hoon main…. par shama main jalne ka mauka hi nahin milta…
    jane kaise dil ka haal bayan karoon unse…
    ke dil ka dard to milta hain… par dildaar nahin milta…

2. Jo bhi gum hain jamane main.. unka kuch hissa hume milla hai kuch tumhe…
bas farak hai to itna sa…. dard alag alag hain hamare tumhare…
aur is dard ki dava bhi na hume mili na tunhe…

3.har kisi ko aisa dildar nahin milta…. jo chaho wahi har baar nahin milta…
ye to humara dil hai jo…. tere seene main dhadakta hai… par ghar kisi aur ka hai…
ye to hum hain… jise apne hi dil main aashna nahin milta…

4.kisi ne sach kaha hai… mohobbat bekar bana deti hai…
itni bhi kya bekaar hai… ki sbko apna shikaar bana leti hai…
ye wo khel hai jis main… shikari hi shikaar ho jata hai…
ki mar mit jane par bhi… shikaar hi jeet jata hai…

5.jab wafa ki baten hoti hai…. to chand aur uski chandni ka naam ata hai..
main to us sooraj ka kaayal hoon… jo khud jalta hai apni kiran ko jindagi deta hai…
suraj ke pyar ki law hai jisse chand ka noor hai…. jiska chandni ko bhi ghamand hota hai….

6.kya sunaun is dil ki dastan…ke haal-e-bayan ke liye alfaaj hi nahin…
tum na samajh paoge ise…. ke ishq har kisi ke bas ka rog nahin….

7.tumse kya shikwa karen… ki kyun tu hamain janti nahin ….
ab to ye alam hai… ki aina bhi humain pehchanta nahin…

8.mat naam lo majnu ka mere saamne …. ki humari mohabbat bhi kam nahin ….
fark itna sa hai ki majnu ko duniya yaad karti hai… humain to humari janeman bhi nahin …

9.kahin suna tha ki hamesha ant main… burai ka bhi ant hota hai….
ya to mere dukh achche hain… ya mere ant ka intezaar ho raha hai…

10. ke bahut tuta hoon.. har paththar se thokar khakar…
par mujhe sahare ki arjoo bhi nahin…
ke abhi bhi thodi jaan hai baki meri jaan-e-jaan ke liye…
aur kuch nahin bas itni umeed hai baaki …
aajayegi bhagti hui nange paon mere paas .. main behaal hun ye jaan kar…

11.tere milne se pehle bhi akela tha… tere jaane ke baad bhi akela hoon…
pehle akela hi kisi bheed ki tarah tha…. ab bheed main bhi tanha hoon…..
tujhse kya gila kya shikwa karoon… meri tanhaiyon ne bhi mujhe tanha hi chor diya…
ke tere jaane se pehle bhi jeeta tha… tere jaane ke baad bhi jinda hoon…

12.tere husn ki kya tareef karoon ki… kya taj mahal ko bhi kisi tareef ki jaroorat hai?…
use to mohabbat ne banaya tha… tumse mohabbat janam leti hai…
taj mahal main to fir bhi mohabbat karne waale dafn hain …
tujhmain to mohabbat bhi aashiyana dhondti hai…

13. kal tak hum jinke dil main baste the… wo aaj har baat dil pe lete hain…
jinke ghar main humara basera tha… ab wahan dastak dene se bhi darte hain…
unhe humari har baat main sachchai nazar ati thi… to har raaj bataya karte the…
ab raaj to kya… dukh dard to kya… pegaam-e-salam dene se bhi darte hain…
shayad ye kasoor unka bhi nahin humaari dooriyon ka hai…
bas yahi soch soch kar is dil ko jaam-e-dilasa diya karte hain…

14. aye jindagi itna na dard de… ki dard main maza ane lage…
ke ye dard ek jaam ki tara hai… pehle to bada kadwa lage…
fir adat jo iski pad jaye… har waqt iska hi khayal ane lage…
kabhi to khushi bhi de… kabhi khushi ka maza bhi ane lage…

15. kuch baten kahi nahin jati… par mehsus kari jati hai…
kuch baaten tum samajh jaya karo… har baat samjhayai nahin jati hai…
ab tumse kya kehta …. tumse kitna pyar hai…
tum haan kehti to meri jaan nikal jati… jo na kehti to main jee nahin pata…

16. har tadap se tera khayal hi sukoon dilata tha…
ab tere naam se tadap jata hoon…
ab pani main bhi aag lagjati hai
so apne hi ansuon se jal jata hoon…

17.kyun mujhse poochte ho… kyun itni peeta hoon…
jab chor gaye the mujhe… mud ke dekha tha kaise jeeta hoon…
ek yahi to hai jo gum ko door aur kushi ko badha deti hai…
ek sachcha dost aur mera sathi hai…
jo umeed tum se ki thi wo saath ye nibhati hai…
kyun mujhse poochte ho… kyun itni peeta hoon..
ye hi wo dor hai jiske sahare main jeeta hoon…

18. har pal hai intezaar jinka in ankhon ko …
wo bas ankhen band hone par hi nazar ate hain..
kahin ye intezzar in aakhon ke band hone ka to nahin..
agar aisa hai to chahta hoon main..
hamesha ke liye band kardon in ankhon ko….

19. kaun kehta hai is dil ki soni banzar jameen par…
ek pyar ka phool bhi nahin khila hai…
hazaron ansunaun se seencha hai…
tab jake ye ishq ka gulistan mehka hai…

20. kaun jane is dil ki gehrayiyon main gum ka samandar bhara pada hai…
aur unhe lagta hai ki ye khushiyon ki barsat ka pani hai…. /

Vaibhav Aggarwal